Ақпараттық медиа-портал POLISIA.KZ

Алматы облысы ПД бастығы тұрғындармен есептік кездесу өткізді

Алматы облысы ПД бастығы Арыстанғани Заппаров өңір тұрғындарымен есептік кездесу өткізді, – деп хабарлайды Polisia.kz.

Облыстық полиция басшысының тұрғындармен кездесуі 29 наурызда Талдықорғанның мәдениет сарайында диалог түрінде өтті. Алдымен кездесуге қатысушылар өңірдегі жедел жағдаймен танысты. Сондай-ақ, қаңтардағы тәртіпсіздіктер тақырыбы қозғалды, оның салдарынан билік пен халық әлі де қалпына келуде.

Ресми ақпаратқа сәйкес, қаңтар айында Талдықорғанда алты мемлекеттік нысан, 78 қызметтік және азаматтық автокөлік зардап шеккен. Жалпы материалдық шығын 8,5 млрд теңгені құрады (мемлекеттік объектілер мен кәсіпкерлер). Бүгінгі таңда қалалық полиция мен облыстық департаментке шабуыл жасау кезінде ұрланған 345 атыс қаруын іздеу жалғасуда.

– Бүгінгі кездесуді пайдаланып, сіздерге қару іздеуге көмек көрсету туралы жүгінгім келеді. Қандай да бір ақпарат болса, полицияға хабарлауларыңызды сұраймыз. Қазақстан Республикасы Қылмыстық кодексінің 287-бабына сәйкес қаруды өз еркімен тапсырған және басқа қылмыстарға қатысы жоқ адамдар әкімшілік немесе қылмыстық жауапкершілікке тартылмайтынын естеріңізге саламын, – деп атап өтті ПД бастығы Арыстанғани Заппаров.

Белгілі болғандай, қаңтар айындағы тәртіпсіздіктер бойынша өңірде 526 қылмыстық іс қозғалып, тергелуде, оның 10-ы атыс қаруын ұрлау фактілері бойынша.

Кездесу барысында аймақ полициясының басшысы криминогендік статистикалық мәліметтерді айтып, құқық қорғау органдарының жұмысында, ең алдымен, бөтеннің мүлкін ұрлауға қарсы іс-қимыл басымдыққа ие екенін мәлімдеді. Сондай-ақ, интернет-алаяқтықтарға ерекше назар аударылды, олардың саны биыл өңірде 7 есе өсті.

Диалогқа тек талдықорғандықтар ғана емес, сонымен қатар облыстың алыс аудандарының тұрғындары, сондай-ақ журналистер, блогерлер мен белсенділер қатысты. Кербұлақ және Көксу аудандарының бірнеше тұрғыны мал ұрлығы мен мүлікті өртеу фактілері бойынша тергеу тақырыбын қозғап, департамент басшысы проблемалық мәселелерді шешуге бағытталған жеке тапсырмалар берді. Блогерлер мен белсенділер ұйымдастырылған кездесу туралы алған әсерлерімен бөлісіп, тәртіп сақшыларының қызметін жақсарту бойынша бірқатар ұсыныстар берді.

Сондай-ақ оқыңыздар

Жауап қалдыру