Ақпараттық медиа-портал POLISIA.KZ

Алматы полициясы өндірістік нысандар аумағында екі ірі қоқыс үйіндісін анықтады

Алматы полициясы өндірістік нысандар аумағында екі ірі қоқыс үйіндісін анықтады, – деп хабарлайды Polisia.kz.

Олардың бірі қаланың Жетісу ауданында орналасқан.

– Экологиялық полиция қызметкерлері рейдтік іс-шаралар барысында ЖШС бірінің аумағында құрылыс пен тұрмыстық қалдықтардың үлкен үйіндісін анықтады. Бұл факті бойынша, ұйымның директорына қатысты ҚР ӘҚбК-нің 505-бабы (Абаттандыру ережелерін бұзу) бойынша құқық бұзушылық туралы әкімшілік шаралар қолданылды. Сонымен қатар, ЖШС басшылығынан анықталған бұзушылықтарды тез арада жою туралы кепілдік хат алынды, – деді Жетісу аудандық Полиция басқармасы бастығының міндетін атқарушы Асхат Дәулетяров.


Осындай қоқыс жинауды тәртіп сақшылары Алматы қаласының Әуезов ауданы аумағынан да әшкереледі.

– Біздің бөлімше мен Әкімдіктің экология бөлімінің қызметкерлері Ақсай ықшам ауданында орналасқан гараж кооперативінде абаттандыру ережелерін бұзу фактісін анықтады. Оның төрағасы әкімшілік жауапкершілікке тартылды. Айыппұл мөлшері 30 АЕК құрады, – деп хабарлады, Әуезов аудандық Полиция басқармасының бастығы Ұлан Әбілқайыр.

Сондай-ақ оқыңыздар

Жауап қалдыру