Алматыда алаяқтар тобы автокөлік сақтандырушыларынан жалған жол-көлік оқиғалары үшін заңсыз өтемақы алды, – деп хабарлайды Polisia.kz.
Жеті жазатайым оқиға үшін қаскөйлер жол-көлік оқиғасы салдарынан көліктің “ауыр деформациясы” үшін сақтандыру төлемдерін алып үлгерген. Алаяқтардың әрекеттерінен келтірілген шығын 8,5 миллион теңгені құрады.
– Топты К.есімді азамат басқарды. Ол тізбектерді дайындап, жалған адамдарды тапты. Алаяқтық тізбек бірнеше кезеңнен тұрды: біріншіден, алаяқтар сақтандыру компаниясына жүгінді, жол-көлік оқиғалары туралы құжаттар тапсырды. Содан кейін “құрбан болғандардың” туыстарының есепшоттарына сақтандыру төлемдері түсті. Осыдан кейін зиянкестер оны ақшаға айналдырған. Ойдан құрастырылған жол-көлік оқиғаларына арналған бұл жалған құжаттар 2019, 2020 жылдары жасалды, ал қаскөйлер қаланың әртүрлі банктерінен өз есепшоттарын ашты. Мұндай “жазатайым оқиғалардың” нақты санын әлі де анықтаймыз, сәйкесінше шығын көлемі де, күдіктілер саны да мүлде өзгеше болады, – деді Алмалы аудандық Полиция басқармасының бастығы Есен Ысқақов.
Қылмыстық іс осы жылдың наурыз айында ҚР ҚК-нің 190-бабы 4-бөліміне сәйкес сақтандыру компаниясы өкілінің арызы бойынша тіркелді. Айтпақшы, компания басшылығы Алматы қалалық Полиция департаментінің басшысына алғыс хатпен жүгінді.
– Алмалы ауданының полицейлері жедел-іздестіру шараларын қысқа мерзімде өткізді. Мұның бәрі зиянкестерді ұстауға мүмкіндік берді, осылайша қосымша зиян келтірмеді. Біз олардың тиімділігі мен кәсібилігі үшін шын жүректен ризашылығымызды білдіреміз, – делінген құжатта.
