Алматыда қару-жарақ арсеналы сақталған тағы бір орын табылды, – деп хабарлайды Polisia.kz.
Алматы қаласының криминалдық полиция қызметкерлері ҰҚКД-нің көмегімен Медеу ауданындағы бағбандық серіктестіктердің бірінің аумағынан қару жасырылған орынды тапты.
Ол жерде қаңтардағы тәртіпсіздіктер кезінде Алмалы ауданындағы қару-жарақ дүкенінен ұрланған Сайга-410К тегіс ұңғылы карабин, ПМ травматикалық тапаншасы, 2 ИЖ тегіс ұңғылы мылтығы, Макаров жүйесі тапаншасының патрондары, 9 мм калибрлі, 12 калибрлі патрондар, сондай-ақ 7,62 калибрлі патрондар жасырылған.
Тәркіленген қару сараптамаға жіберілді. Аталған дерек Медеу аудандық ПБ-да ҚР ҚК-нің 287-бабы 3-бөлігі бойынша тіркелді.
Арсеналдың қайдан шыққаны тергеу амалдары мен жедел іс-шаралар жүргізілгеннен кейін белгілі болады.
