2020 жылдың 23 қазанында Көкшетау қаласының аумағында “КӨКШЕТАУ-АНТИТЕРРОР-2020” республикалық жедел-тактикалық оқу-жаттығулары өткізіледі, – деп хабарлайды Polisia.kz.
2020 жылдың 23 қазанында Көкшетау қаласының аумағында Ақмола облыстық терроризмге қарсы күрес жөніндегі жедел штабының құрамына енетін құқық қорғау және мемлекеттік органдардың қатысуымен “КӨКШЕТАУ-АНТИТЕРРОР-2020” республикалық жедел-тактикалық оқу-жаттығулары өткізіледі.
Аталған іс-шаралар мен келтірілген уақытша қолайсыздықтарға түсіністік танытуларыңызды сұраймыз.
Жалған ақпарат тарату ҚР ҚК-нің 274-бабында (Көрінеу жалған ақпарат тарату) көзделген қылмыстық жауаптылыққа әкеп соғатынын еске саламыз.
Оқу-жаттығудың негізгі міндеті – терроризмге қарсы операцияны жүргізуге күштер мен құралдардың тұрақты дайындығын қамтамасыз ету, терроризм актілерінің жолын кесу барысында ведомствоаралық бірлесе әрекет ету, жауынгерлік қабілеттілікті, іс-қимыл алгоритмін пысықтауды арттыру болып табылады.
