Ақсу қаласында полицейлер азаматтар арасында түсіндіру жұмыстарын жүргізді, – деп хабарлайды Polisia.kz.
Отбасылық-тұрмыстық зорлық-зомбылыққа қарсы күрес тобының инспекторлары тұрмыстық зорлық-зомбылық фактілерінің алдын алуға, халықтың құқықтық сауаттылығын арттыруға және зардап шеккендерге көрсетілетін мемлекеттік қолдау шаралары туралы азаматтарды ақпараттандыруға бағытталған профилактикалық іс-шара өткізді.
Акция барысында полиция қызметкерлері адамдар көп жиналатын орындарға барып, қала тұрғындарымен түсіндіру жұмыстарын жүргізіп, отбасылық-тұрмыстық зорлық-зомбылықтың алдын алу, азаматтардың құқықтары, көмек алу жолдары туралы ақпарат, сондай-ақ құқық қорғау органдарының, дағдарыс орталықтарының және өмірлік қиын жағдайға тап болған адамдарға қолдау көрсететін басқа да қызметтердің байланыс деректері қамтылған ақпараттық буклеттер таратты.
Полицейлер азаматтарға Қазақстан Республикасының қолданыстағы заңнамасының нормаларын егжей-тегжейлі түсіндіріп, отбасылық-тұрмыстық қатынастар саласында құқыққа қайшы әрекеттер жасағаны үшін жауапкершілік туралы еске салды. Сонымен қатар азаматтарды зорлық-зомбылық фактілеріне бейжай қарамай, олар туралы ішкі істер органдарына уақтылы хабарлауға шақырды.
Іс-шараның негізгі мақсаты — қоғамда зорлық-зомбылықтың кез келген көрінісіне нөлдік төзімділік қағидатын қалыптастыру, отбасы институтын нығайту, азаматтардың құқықтары мен заңды мүдделерін қорғау, сондай-ақ халықтың құқық қорғау органдарына деген сенім деңгейін арттыру.
Осындай профилактикалық іс-шаралар "Зорлық-зомбылықсыз отбасы" акциясы барысында тұрақты түрде өткізіліп, халықтың әртүрлі санаттарын қамтиды және қауіпсіз әрі берекелі отбасылық ортаны қалыптастыруға ықпал етеді.
