Ақтауда полицейлер “мефедрон” синтетикалық
есірткі затын жасырушыны ұстады, – деп хабарлайды Polisia.kz.
26 қаңтар күні Маңғыстау облысы ПД Есірткі қылмысына қарсы іс-қимыл басқармасының қызметкерлері “Құқықтық тәртіп” республикалық жедел-профилактикалық іс-шарасы барысында 21 жастағы Ақтау қаласының тұрғынын ұстады. Тінту кезінде одан көк түсті пакетке оралған 15 дана полиэтиленді түйіншікке салынған 10 грамм синтетикалық есірткі заты “мефедрон” тәркіленді. Сондай-ақ, жігіттен оның есірткі заттарын жасырушы ретінде жұмыс істейтінін және телеграм-чатқа (интернет-дүкенге) қатысы бар екенін көрсететін ұялы телефон табылды.
Ұсталған азаматқа қатысты ҚР ҚК-нің 297-бабы 3-бөлімі, яғни, электрондық ақпараттық ресурстарды пайдалану арқылы, одан әрі өткізу мақсатында аса ірі мөлшерде есірткі құралдарын заңсыз сақтау фактісі бойынша сотқа дейінгі тергеп-тексеру амалдары басталды.
Жоғарыда көрсетілген күдіктіге қатысты бұлтартпау шарасының сұрақтары қарастырылуда.
Қылмыстық іс бойынша қажетті тергеу әрекеттері жүргізілуде.
