Ақтөбе облысында жол апатынан жүргізуші мен үш жолаушы зардап шекті, – деп хабарлайды Polisia.kz.
13 қаңтарда сағат 17.00-де Мәртөк ауданы Жайсаң ауылы жағынан Ақтөбе қаласы бағытында келе жатқан ВАЗ-21014 автокөлігінің 42 жастағы жүргізушісі басты жолдағы көлікке жол бермей, нәтижесінде Ford Focus автокөлігімен соқтығысқан.
Жол апаты салдарынан ВАЗ-21014 автокөлігінің жүргізушісі мен үш жолаушы Мәртөк ауданының орталық аудандық ауруханасына жеткізілді.
ЖКО фактісі бойынша сотқа дейінгі тергеу басталды.
Полиция департаменті көлік жүргізушілерін ҚР ЖҚЕ қатаң сақтауға шақырады.
