Ақпараттық медиа-портал POLISIA.KZ

Ақтөбе облысында жыл басынан бері 67 жол-көлік оқиғасы орын алды

Ақтөбе облысында жыл басынан бері 67 жол-көлік оқиғасы орын алды, – деп хабарлайды Polisia.kz.

Биыл жыл басынан бері 67 жол-көлік оқиғасы тіркелді (2020 жылы 65 жол-көлік оқиғасы). Жол-көлік оқиғасының басым бөлігі елді мекендерде, республикалық және халықаралық маңызы бар жолдарда орын алады.

Ақтөбе облысының аумағында 1-10 мамыр аралығында адам өлімімен аяқталған жол-көлік оқиғасының 28 фактісі орын алып, нәтижесінде 34 адам қаза тапты.

Бір жол-көлік оқиғасы Арынов көшесінде орын алды. Үш ай бұрын көлік құралын басқаруға жүргізуші куәлігін алған 18 жастағы жүргізуші жол қозғалысы ережелерінің талаптарын елемей, жолдың жүріс бөлігінен реттелмейтін жаяу жүргіншілер өткелінде екі адамды қағып кетті, нәтижесінде олар көз жұмды, үш бала жетім қалды.

Отбасылық жұп төртінші баласының жарық дүниеге келуін күткен екен. Бұл жағдайдан көлік жүргізушілерінің метеорологиялық және жол жағдайларын ескермейтіндігін, жылдамдық режимін сақтамайтындығын, қарама-қарсы қозғалыс жолақтарына шығып, басып озу маневрін жасайтындығын, жаяу жүргіншілерге жол бермей, қозғалыс қауіпсіздігіне көз жеткізбейтіндігін көрсетеді. Нәтижесінде жауапсыздық салдарынан қайғылы жағдайлар орын алып жатады. Осыған байланысты, Полиция департаменті көлік  жүргізушілерінен жолдарда мұқият болуды сұрайды, өйткені ойланбай істеген әрекеттің арты жазатайым оқиғаға әкеліп соқтырады.

Сондай-ақ оқыңыздар

Жауап қалдыру