Елордада қоршаған ортаны қорғауға, қала тазалығын сақтауға, абаттандыру қағидаларының орындалуын қамтамасыз етуге және тұрғындардың экологиялық мәдениетін қалыптастыруға бағытталған "Таза Қазақстан" экологиялық бастамасы аясындағы жұмыс жалғасып жатыр, – деп хабарлайды Polisia.kz.
Жыл басынан бері қоғамдық орындарды ластау және абаттандыру талаптарын бұзу фактілері бойынша 38 мыңнан астам құқық бұзушы әкімшілік жауапкершілік тартылды.
Жүргізіліп жатқан жұмыстар барысында Астана – Қарағанды тасжолында жауапкершілігі шектеулі серіктестік тарапынан қаланы абаттандыру қағидаларын бұзу фактісі анықталды. Аталған дерек бойынша серіктестік басшысына қатысты заң аясында шара қолданылды.
Полиция тазалық пен қоғамдық тәртіпті сақтау – әрбір тұрғынның, ұйым мен кәсіпорынның ортақ міндеті екенін еске салады. Белгіленген талаптарды елемеу заңда көзделген жауапкершілікке әкеп соғады.
Елордада абаттандыру қағидаларын бұзу деректерін анықтау және жолын кесу жұмыстары жалғасып жатыр.
