Атырауда көші-қон заңнамасын бұзған 5 000-ға жуық адам жауапқа тартылды, – деп хабарлайды Polisia.kz.
Полиция қызметкерлері облыс көлемінде жедел жағдайды, құқықтық тәртіпті қамтамасыз етуге және заңсыз келуді, тұруды, көші-қон саласы бойынша қылмыстарды, заңсыз көшіп-қонушылардың арналарын анықтап, жолын кесу мақсатында “Мигрант”, “Заңсыз келуші-2021” жедел-профилактикалық іс-шараларын және рейдтік тексеріс жұмыстарын ұйымдастырды.
– Нәтижесінде жыл басынан бері көші-қон заңдылықтарын бұзғаны үшін 4 991 адам әкімшілік жауапкершілікке тартылды, оның ішінде 3 110 шетел азаматтары. Көші-қон заңдылықтарын бұзған 100 шетелдік сот шешімдерімен еліміздің аумағынан тысқары шығарылды, – деді Атырау облысы Полиция департаментінің бастығы Қамза Үмбетқалиев.
Қазақстан Республикасының көші-қон заңдылықтарын бұзғандарға 7 029 743 теңге айыппұл салынып, толықтай өндірілді.
