Балқашта коктейльдерге арналған ыдыстарды ұрлаған ер адам ұсталды, – деп хабарлайды Polisia.kz.
7 тамызда Қарағанды облысы Балқаш қаласының полиция бөліміне 35 жастағы қала тұрғынынан арыз түсті. Анықталғандай, арызданушы әйел жеке кәсіппен айналысып, демалыс орындарының бірінде алкогольсіз сусындар мен коктейль сататын болған. Түнгі мезгілде біреу кафе-барға кіріп, электронды сағат, коктейль жасауға арналған ыдыстарды ұрлап, сондай-ақ тоңазытқышты бүлдіріп кеткен. Келтірілген шығын көлемі 60 мың теңгені құрады.
Аталған факті бойынша ҚР ҚК 188-бабы (Ұрлық) бойынша қылмыстық іс қозғалды.
23 қыркүйекте жедел-іздестіру шаралары кезінде криминалдық полиция қызметкері күдікті – 28 жастағы ер адамды анықтап, ұстады. Ол кінәсін мойындап, айғақты заттар алынды. Қазіргі уақытта тергеу жүргізілуде.
