Белгіленбеген жерлерде қоқыс тастағаны үшін 7,5 мыңнан астам ақмолалық жауапқа тартылды, — деп хабарлайды Polisia.kz.
Жыл басынан бастап ҚР ӘҚБтК-нің 505-бабы “Қалалар мен елді мекендердің аумақтарын абаттандыру ережелерін бұзу” бойынша әкімшілік жауапкершілікке облыстың 7589 тұрғыны тартылды.
Мұндай бұзушылықтарды “102” телефоны бойынша қоршаған ортаға бей-жай қарамайтын азаматтар хабарлайды, сондай-ақ әкімшілік учаскені аралау кезінде учаскелік полиция инспекторлары да анықтайды.
Естеріңізге сала кетсек, ӘҚБтК-нің 505–бабына сәйкес қалалар мен елді мекендердің аумақтарын абаттандыру ережелерін бұзу жеке тұлғаларға – 20 АЕК, шағын кәсіпкерлік субъектілеріне немесе коммерциялық емес ұйымдарға — 30, орта кәсіпкерлік субъектілеріне — 40, ірі кәсіпкерлік субъектілеріне — 100 АЕК мөлшерінде ескерту жасауға немесе айыппұл салуға әкеп соғады.
