Ағымдағы жылдың өткен тоғыз айында Ақтөбе облысында балалардың қатысуымен 74 жол-көлік оқиғасы тіркелді, – деп хабарлайды Polisia.kz.
Оның ішінде жарақат алған балалар саны – 91, қаза тапқандары – төрт.
Мұндай жағдайларды болдырмас үшін балаға жолды жаяу жүргіншілер өткелінен өту керек екенін түсіндіріңіз. Барлық көліктер тоқтаған кезде ғана жолдан өтуге болатындығын айтыңыз. Баламен бірге мектепке, ойын алаңына немесе саябаққа баратын жолды сызыңыз. Ондағы ең қауіпті учаскелерді көрсетіңіз, осы маршрут бойынша қауіпсіз жолды сызыңыз. Содан кейін бірнеше рет сызылған маршрут бойынша жүріңіз – схема бойынша да, көшеде де, оның жолда өзін қалай ұстау керектігін түсіндіріңіз. Жолдың жүру бөлігіне шығып, баламен сыртқы сөйлесулерді тоқтатыңыз, туындауы мүмкін қауіптерді көрсетіңіз. Жол жүріс бөлігінен өту кезінде барынша мұқият болуын айтып, түсіндіріңіз.
Полиция қызметкерлері жүйелі түрде ата-аналармен және балалармен профилактикалық әңгімелер жүргізеді, жадынамалар таратылады. Сонымен қатар, жаңа оқу жылының басынан бастап мектептерде жол қозғалысы ережелері бойынша арнайы сабақтар өткізіледі.
Ақтөбе облысының Полиция департаменті тағы да ата-аналарға жолдар мен аулаларда мұқият болуды, өз балаларын қауіпсіз мінез-құлыққа үйретуді сұрайды. Қауіпті болдырмас үшін балаға қандай да бір жол жағдайында өзін қалай ұстау керектігін түсіндіріңіз. Есіңізде болсын! Бала сізден, ата-анадан және басқа ересектерден үлгі алып, “жол заңдарын” үйренеді. Сіздің мысалыңыз сіздің балаңызға ғана емес, басқа балаларға да көшедегі тәртіпті мінез-құлықты үйретсін.
