“Семей қаласының қалалық мәдениет сарайы” КМҚК “ШҚО Семей қаласы әкімдігінің халықты жұмыспен қамту орталығы” КММ еңбек нарығындағы жұмыссыздар санын азайту мақсатында кезекті бос жұмыс орындары жәрмеңкесі өткізілді,-деп хабарлайды Polisia.kz.
Бос жұмыс орындар жәрмеңкесі – бұл көптеген жұмыс берушілер мен ізденушілерді, әдетте бір күнге жинайтын ынтымақтастықтың бірегей мүмкіндігі. Бос жұмыс орындары жәрмеңкесі қатысушыларға тез жұмыс табуға, ал компанияларға – кадрларды жасақтауға және қоғамдағы жұмыспен қамту мәселесін шешуге көмектеседі.
Ізденушілер өз жұмысын таңдай алатын мамандықтар тізімі айтарлықтай көп болды және еңбек нарығындағы қызметтің барлық салаларын: өнеркәсіп, энергетика, тұрмыстық қызмет көрсету саласы, медицина, көлік және тіпті сақтандыру нарығын қамтыды.
“ШҚО Семей қаласы әкімдігінің халықты жұмыспен қамту орталығы” КММ қызметкерлері жұмыс іздеуші кәсіпорын өкілдерін барлық қажеттіліктермен қамтамасыз етуге тырысты. Ұйымдастыру техникасынан бастап дайындалған бағандары бар арнайы парақтарға дейін, онда әлеуетті қызметкердің барлық деректерін енгізуге болады.
Сонымен қатар, жәрмеңке барысында жұмыспен қамту және әлеуметтік бағдарламалар бөлімінің және жұмыспен қамту орталығының кеңес беру орталығы жұмыс істеді, онда кез-келген адам жұмысқа орналастыру және қайта оқыту бойынша мамандардан, заңгерге сұрақтар қойып, бос жұмыс орындары банкімен таныса алды. Сонымен қатар, бос жұмыс орындары жәрмеңкесіне қатысушылармен білім алудан басқа жұмыс істеуге, жетілдіруге, қайта оқуға, қайта даярлауға және басқа да мамандықтарды меңгеруге ниет білдіруі тиіс екендігі туралы әңгіме жүргізілді.
Қазақстан Республикасы Үкіметінің 2014 жылғы 23 қазандағы № 1131 “пробация қызметінің есебінде тұрған адамдарға әлеуметтік-құқықтық көмек көрсету қағидаларын бекіту туралы” қаулысына сәйкес, пробация қызметінің есебінде тұрған адамдарға әлеуметтік – құқықтық көмектің негізгі бағыттарының бірі білім алуға, кәсіптерді меңгеруге және жұмысқа орналасуға жәрдем көрсету. Семей қаласының Затон ауданындағы пробация қызметінің тұрақты жұмысы жоқ тұлғалары да осы орайда ұйымдастырылған бос орындар жәрмеңкесіне қатысуға жіберілді.
Жәрмеңкеге қатысқан, есепте тұрған тұлғалардың айтуынша, мұндай іс-шаралар өте тиімді, бұл жұмысқа орналасу мүмкіндігін арттырады.
