Алматы академиясы мотивациялық ролик ұсынды. Бұл ролик жастардың назарын аудару және оларға ІІМ академиясында оқу – өз өмірін Отанға қызмет етуге арнағысы келетіндер үшін жақсы мүмкіндік екенін көрсету үшін түсірілді, – деп хабарлайды Polisia.kz.
Академиядағы әскери-патриоттық атмосфера курсанттарды жоғары нәтижелерге қол жеткізуге шабыттандырады.
– Осы ролик арқылы біз ІІМ академиясындағы оқу процесі тек теориялық дағдыларды оқыту ғана емес, сонымен қатар практикалық сабақтар мен қарқынды жаттығулар өткізілетінін көрсеткіміз келеді. Бізде әрбір білім алушы ішкі істер органдарында жұмыс істеу үшін қажетті дағдылар мен білім алады. Біз түлектерімізді қалыптастырамыз, оларды физикалық және моральдық жағынан мықты етеміз, өз Отанын қорғауға және қызмет етуге дайындаймыз, – деп бөлісті Қазақстан Республикасы ІІМ Алматы академиясы бастығының орынбасары Ғалымжан Есболаев.
Ведомство қазіргі уақытта жастар арасында қоғам игілігі үшін полиция қызметіне тарту үшін кәсіптік бағдар беру жұмыстары белсенді жүргізіліп жатқанын атап өтті. ІІМ-де оқу тек кәсіби тұрғыдан ғана емес, жеке тұлға ретінде өз-өзін жетілдіруге де мүмкіндік береді.
– Біз жауапкершілікті, тәртіпті, адалдықты және заңды құрметтеуді тәрбиелейміз. Барлық ниет білдірушілерді ҚР ІІМ М.Есболатов атындағы Алматы академиясына оқуға шақырамыз. Қажетті ақпаратты ІІМ Алматы Академиясының барлық әлеуметтік желілерінен алуға болады”, – деді Ғалымжан Есболаев.
Бейнеролик әлеуметтік желілерде танымал және көрермендердің ықыласына ие болды.
