Несие алуға көмектесемін деп ұсынған алаяқ Қарағанды облысының тұрғындарын алдап кеткен, – деп хабарлайды Polisia.kz.
Сәуір айынан бастап Қарағанды қаласының ПБ Теміржол полиция бөліміне белгілі бір алаяқтық әрекетінің құрбаны болған азаматтардан арыздар түсе бастады.
Сонымен, 11 сәуір күні полицияға 30 жастағы әйел жүгінген. Ол қаржы мекемелерінің бірінен несие алуды жоспарлағанын, бірақ бір себептермен қажетті соманы ала алмағанын айтты.
Әлеуметтік желіде әйел жарнаманы тауып алған, оның авторы қолайлы шарттармен көмек ұсынған. Арызданушы онымен хабарласты. Анықталғандай, делдал Қарағанды қаласының тұрғыны екен, жәбірленушінің сеніміне кіріп, соңғысы өзінің деректерін берген. Кейін белгілі болғандай, несиені өзгенің деректерін пайдаланып, “көмекші” алған. Келтірілген шығын көлемі 510 мың теңгені құрады.
Сәуірдің 20-сы күні Теміржол полиция бөліміне 35 жастағы қала тұрғынынан арыз түсіп, ол бөгде адам арқылы қаржы мекемелерінің бірінен 425 мың теңге несие алмақ болған. Нәтижесінде, ақша алаяқтың қарамағында болған.
Барлық фактілер бойынша Қазақстан Республикасы Қылмыстық кодексінің 190-бабы (Алаяқтық) бойынша қылмыстық іс қозғалды.
2 мамырда жедел-іздестіру іс-шаралары барысында криминалдық полиция қызметкері күдікті – 39 жастағы әйелді анықтап, ұстады. Ол мойындау көрсетпелерін берді. Полицейлер сотқа дейінгі тергеп-тексеру барысында күдіктінің он екі алаяқтық фактісіне қатыстылығын анықтады. Келтірілген шығынның жалпы сомасы шамамен 6 миллион теңгені құрайды. Күдікті уақытша ұстау изоляторына қамалды.
