Нұр-Сұлтан қаласы бойынша ҚАЖД сотталғандар арасында “Үміт” байқауын өткізді, – деп хабарлайды Polisia.kz.
Бірнеше жылдан бері Нұр-Сұлтан қаласы бойынша Қылмыстық-атқару жүйесі департаменті сотталғандар арасында қолданбалы өнер бұйымдарының “Үміт” байқауы өткізіліп келеді. Сотталғандар үшін 2021 жылдың 11 қазанында кезекті “Үміт-2021” байқауы өткізілді.
Бұл байқауда “Ғажайып күз”, “Арыстандар”, “Қасқыр”, “Балаларға деген махаббатпен” картиналары сияқты бұйымдар, сондай-ақ “Тоғызқұмалақ” үстел ойыны, “Қобдиша”, “Жұмсақ бұрыш”, “Отбасы” макеті, Монтессори “Біздің балалар-болашақ” әдістемесі бойынша балалардың өмірлік дағдыларын дамыту бойынша оқыту стенді ұсынылды.
Үздік жұмыстардың авторлары жүлделі орындарға ие болды. Оның ішінде бірінші орын Аршалы кентінің ЕЦ-166/1 мекемесінде жазасын өтеп жүрген сотталғандарға, екінші және үшінші орын Аршалы кентінің ЕЦ-166/5 мекемесінде жазасын өтеп жүрген сотталғандарға берілді.
Бұл іс-шараның мақсаты – сотталғандарды эстетикалық тәрбиелеу, ол сотталғандардың табиғат сұлулығын, өнер туындыларын, әдебиетті, кескіндемені түсінуін дамытуға, сотталғандардың эстетикалық талғамын және қоршаған ортаға тілектестік қарым-қатынасын тәрбиелеуге ықпал етеді.
Дәстүр бойынша үздік жұмыстар Нұр-Сұлтан қаласы әкімдігінің Мамандандырылған балалар үйіне сыйға тартылды.
– Бұл жұмыстарды жасаушылар, әдеттегідей, бостандықтан айырылса да, басқа бостандыққа, шығармашылық еркіндікке құқығын сақтап қалды. Оларды жасау кезінде авторлар әртүрлі материалдар мен техниканы қолданды. Әрбір жұмыс өз жаратушысының мінезін ғана емес, сонымен қатар оның өмірге деген көзқарасын, отбасылық құндылықтарға қатынасын, сондай-ақ қайта әлеуметтену процесін көрсетеді, – деп түсіндірді департаменттің сотталғандар арасындағы тәрбие жұмысы жөніндегі топтың бас маманы Ақтоты Бекенова.
