Нұр-Сұлтан қаласының полицейлері тұрмыстық зорлық-зомбылыққа қарсы «Ақ лента» акциясын өткізді, – деп хабарлайды Polisia.kz.
Ағымдағы жылдың 13-15 қараша аралығында тұрмыстық зорлық-зомбылықтың алдын-алу және жолын кесу бойынша қабылданып жатқан шаралар туралы халықты ақпараттандыру, полицияға деген сенімін арттыру, қоғамда отбасының рөлін күшейту бойынша Қазақстан Республикасының аумағында тұрмыстық зорлық-зомбылыққа қарсы «Зорлық-зомбылыққа жол жоқ!» акциясы өткізілді.
Аталған іс-шара шеңберінде «Есіл» ауданының Полиция басқармасы «Ақ лента» акциясын бастады. Бұл акцияның мақсаты – тұрмыстық зорлық-зомбылық пен оның көріністеріне қарсы әрекет ету болып табылады. Канада елінде «Ақ лента» – әділдіктің белгісі болып есептеледі. Олар акцияның символы болып табылатын «ақ лентаны» қолдарына байлап алып, зорлық-зомбылықтың кез-келген көріністеріне қарсылығын білдірген, сонымен қатар, мейрімді болуға әрі сабырлық танытуға шақырған. Осы принциптер «Ақ лента» акциясына қатысушылардың барлығына міндетті болып табылған.
Елордалық тәртіп сақшылары «Есіл» ауданының көшелерінде және сауда-ойын-сауық орталықтарында адамдарға ақ ленталар таратып, өткізіліп жатқан іс-шаралардың мақсаты, көмек сұрау үшін қандай қызметтерге жүгінуге болатыны туралы ақпарат беріп, буклеттер таратты.
Жарайсындер
Осындай іс шара арқасында, полиция тағы бір қадам халықтың сенимине кіреді!
Жарайсыздар полиция кызметкерлери 🤝✊🏻👍🏻
Жарайсындар!