ШҚО-ның облыс орталығында қалтасына есірткі жасырған жігіт ұсталды, – деп хабарлайды Polisia.kz.
Тәртіп сақшылары есірткі сақтады деген күдікпен 26 жастағы Өскемен қаласының тұрғынын анықтаған. Аталған азаматты жеке тінту кезінде оның күртешесінің оң қалтасынан қоңыр-жасыл түсті өсімдік тектес затпен екі қағаз түйіншек табылып, тәркіленді.
Сараптама табылған заттардың жалпы салмағы 2,78 грамм болатын «кептірілген марихуана» екенін көрсетті.
Есірткі сақтағаны үшін күдіктіге қатысты ҚР ҚК-нің 296-бабы 2-бөлігі бойынша сотқа дейінгі тергеу басталды. Баптың санкциясы 160 АЕК-ке дейін айыппұл салу немесе 40 тәулікке дейінгі мерзімге қамауға алу түріндегі жазаны көздейді.
