Павлодар облысында полицейлер мас мотоцикл жүргізушісін ұстады, – деп хабарлайды Polisia.kz.
Павлодарлық полицейлер «Құқықтық тәртіп» жедел алдын алу іс-шарасы барысында 1 255 әкімшілік құқық бұзушылықтың жолын кесті, оның ішінде қоғамдық орындарда мас болған 354 азамат уақытша бейімдеу және детоксикация орталығына қамалды.
Полиция облыс жолдарында мас күйінде көлік жүргізген 21 жүргізуші ұсталғанын атап өтті.
– Мысалы, сағат 23:00 шамасында полиция қызметкерлері Ақтоғай ауданындағы ауылдардың бірінде мас күйінде көлік жүргізгені үшін Audi-80 жүргізушісін тоқтатқан. Басқа жағдайда, Павлодар ауданының Чернорецк ауылындағы полицейлер алкольдік мас күйінде Boge-200 көлігін басқарған 35 жастағы мотоциклшіні тоқтатты. Жүргізушілерге қатысты ҚР ӘҚБтК-нің 1-бөлімінің 608-бабы бойынша әкімшілік хаттамалар толтырылып, материалдар сотқа жолданды. Сот мотокөлік жүргізушісін 20 тәулікке қамауға алды және көлік құралдарын басқару құқығынан айырды, – деді Павлодар облысы ПД Жергілікті полиция қызметі басқармасының бастығы Ғалым Сарғұлов.
