Қызылордалық полицейлер көлігі жолда аударылып қалған шетелдікке көмектесті, – деп хабарлайды Polisia.kz.
Түнгі сағат 01:30 шамасында Қызылорда облысының Қармақшы ауданы аумағында Самара-Шымкент тас жолының 1579/687 шақырымының Елшібай елді мекені тұсында көктайғақ салдарынан жүк көлігі аударылып қалған.
Литва Республикасынан Тәжікстанға қарай бағыт алған Тәжікстан Республикасының азаматы Mercedes-Benz Astors-1836 LNRA/M маркалы жүк көлігінің басқару жүйесіне ие бола алмай, жолдың сол жақ бөлігіне қарай аударылған.
Оқиға орын алған жерге шұғыл түрде Қызылорда облысы Полиция департаментінің ЖПҚБ патрульдік полиция ротасының қызметкерлері барды. Олар оқиға орнына арнайы техника апарып, автокөлікті қайта тұрғызуға көмектесті.
