Павлодар облысының полицейлері оқушылар мен студенттерге есірткіге қарсы іс-шара өткізді, – деп хабарлайды Polisia.kz.
“Динамо” дене шынықтыру – спорт қоғамдастығында полиция қызметкерлері жергілікті атқарушы органдардың көмегімен есірткіге қарсы іс-шара өткізді. Қатысушылар қатарында 66 жасөспірім, өңірдің әртүрлі аудандарынан келген жалпы білім беретін мектептер мен колледждердің оқушылары мен студенттері бар.
Іс-шара зияткерлік спорттық квест-ойын түрінде өтті және жаман әдеттердің алдын алуға және жасөспірімдердің салауатты өмір салтына деген ынтасын қалыптастыруға арналған.
– Мен барлығына спортқа көбірек көңіл бөлуге, жаман әдеттерден арылуға және өздерін жақсы, адал, ынталы адамдармен қоршауға және заңсыз әрекеттерге араласпау үшін құқықтық сауаттылықты үйренуге кеңес беремін. Көрсетілген қысымға көнбеңіз және заң бұзушылардың жолымен жүрмеңіз, – деді Павлодар облысы ПД есірткі қылмысына қарсы іс-қимыл басқармасының бастығы Тимур Қаржаубаев қатысушыларға.
Ойынға қатысушылар командаларға бөлінді. Ойыншылар тақырыптық тапсырмаларды орындайтын шартты станциялардан өтті. Темекі шегудің, алкоголь мен есірткіні қолданудың жағымсыз салдарын білуге, тәуекел жағдайында “жоқ” деп айту қабілетіне, сондай-ақ жаттығулар мен ойын тапсырмаларына арналған конкурстар ұсынылды.
Команданың біріншің кезеңінде шартты “тәуелділік дәлізі” өтті, балалар сөзбе-сөз мағынада тәуелділіктің не екенін және онымен күресу қаншалықты қиын екенін сезінді.
Психология мамандары есірткі, алкоголь және темекі шегудің зияны туралы викториналар өткізді, ал “Блеф-клуб” станциясында қатысушылар АИВ туралы білімдерімен бөлісті, өзекті проблеманы талқылауға белсенді қатысып, карточкалармен дауыс беру арқылы өз пікірлерін білдірді.
Қатысушылар дене шынықтыру дайындығын “Спорт минуты” станциясында көрсетті, онда олар спорттық тапсырмаларды қуана орындады.
Іс-шара соңында барлық қатысушылар естелік дипломдармен және бағалы сыйлықтармен марапатталды. Квест-ойынның соңында қыздыру жаттығуларымен спорттық флешмоб өтті.
