"Қауіпсіз үй", "Заң мен тәртіп" және "Қауіпсіз балалық шақ кепілдігі" жобалары аясында Павлодар облысы полиция департаменті қоғамдық қауіпсіздік басқармасының ұйымдастыруымен қаладағы мектептер мен колледж директорларының қатысуымен жұмыс кездесуі өтті, - деп хабарлайды Polisia.kz.
Жиында қоғамдық қауіпсіздік басқармасы бастығының міндетін атқарушы Мақсат Сарин сөз сөйледі.
Кездесу барысында балалар мен жасөспірімдердің қауіпсіздігін қамтамасыз ету, кәмелетке толмағандар арасындағы құқық бұзушылықтардың алдын алу, сондай-ақ полиция мен білім беру ұйымдары арасындағы өзара іс-қимылды нығайту мәселелері талқыланды.
Құқыққа қайшы әрекеттердің алдын алуға, жастардың құқықтық мәдениетін қалыптастыруға және қауіпсіз білім беру ортасын құруға ерекше назар аударылды.
Кездесудің басты мақсаты – балаларды қорғау, құқық бұзушылықтардың алдын алу және өскелең ұрпақтың қауіпсіздігін қамтамасыз ету жолында полиция мен білім беру ұйымдарының күш-жігерін біріктіру.
