Павлодарда бір тәулікте 121 әкімшілік құқық бұзушылық тіркелді, – деп хабарлайды Polisia.kz.
Өткен тәулікте Павлодар қаласының патрульдік полиция батальонының қызметкерлері 121 әкімшілік құқық бұзушылықты анықтады, оның ішінде 108-і жол қауіпсіздігі желісі бойынша.
Патрульдік полиция батальонының командирі Ренат Шариповтың айтуынша, екі жүргізуші көлікті мас күйінде басқарғаны үшін ұсталды, бес жүргізуші жаяу жүргіншілерге жол бермеді, 24 жүргізуші қауіпсіздік белдігін тақпады, бес жүргізуші бағдаршамның тыйым салатын сигналына өтіп кетті. Бұл тәртіп сақшысы атап өткен бұзушылықтардың аз ғана бөлігі.
Мысалы, 8 маусым күні сағат 19.10-да патрульдеу кезінде полицейлер 36 жастағы жергілікті тұрғын мас болған Volkswagen көлігін тоқтатты. Медициналық куәландыру оның “орташа” алкогольдік мас екендігін анықтады. Ер адам ҚР ӘҚБтК-нің 608-бабы бойынша әкімшілік жауапкершілікке тартылды, оның көлігі айыппұл тұрағына қойылды.
Сондай-ақ, бір тәулік ішінде батальон полицейлері қоғамдық тәртіпті бұзған 13 адамды анықтады. Олардың ішінде бесеуі ұсақ бұзақылық жасаған, біреуі абаттандыру ережелерін бұзған, жетеуі қоғамдық орындарда мас күйінде болған.
– Сағат 21.20 шамасында М.Жүсіп көшесінде қызметкерлер күдікті жас жігітті анықтады. Сыртқы тексеру кезінде оның күртешесінің қалтасынан жиналмалы пышақ табылды. Ер адам одан әрі тергеу үшін полиция бөліміне жеткізілді, – деді Ренат Шарипов.
