Павлодарда ІІО ардагерлері полиция қызметкерлеріне сабақ өтті, – деп хабарлайды Polisia.kz.
Павлодар қаласының патрульдік полиция батальонында жұмыс істеп жүрген қызметкерлер үшін ерекше сабақтар өтті. Қызметтің құпиясымен бөлісуге ІІО ардагерлері Сейілханов Азат, Бычков Владимир, Паутов Станислав және Нұрмағамбетова Гүлнази келді. Полицейлерді даярлау деңгейін қарап, ардагерлер облыстағы жедел жағдай туралы ақпаратпен танысты, онда күнделікті құқықтық тәртіпті қорғау үшін қолданылатын бірқатар нақты шараларды анықтады.
Ардагер Владимир Бычков жеке құрамға жүгініп, құқық тәртібі мен азаматтардың қауіпсіздігін қамтамасыз ету полицияның бірінші кезектегі міндеті екенін атап өтіп, Павлодар өңірінің полицейлері тәртіп пен заңдылықты қатаң сақтай отырып, өздерінің қызметтік борышын лайықты орындайтынына сенім білдірді. Ардагерлерге полицияның жаңашылдықтары көрсетілді: жаңа форма, барлық қажетті құралдармен жабдықталған жаңа автокөлік, жаңа бағдарламалар мен қосымшалары бар планшеттер, жаңа үлгідегі бейнежетондар, “Қорғау” және “Кибер шериф” пилоттық жобалары. Олар бүгін қызмет туралы, олардың қызметі қалай өтіп жатқандығы туралы айтты.
– Сіздердің білімдеріңіз, даналығыңыз және өмірдегі ең бай тәжірибеңіз жастарды патриоттық тәрбиелеу үшін бұрынғыдан да маңызды. Сіздерге, қымбатты ардагерлерімізге, полиция ұжымдарында атқарылған жұмыс үшін, қолдау көрсеткендеріңіз үшін, айналаңыздағы адамдарды жинай білгеніңіз үшін, оптимизм мен қажымас еңбегіңіз үшін алғыс айтамыз. Сіздерге зор денсаулық, отбасылық амандық, ұзақ ғұмыр, бейбітшілік пен жақсылық тілеймін, – деді Павлодар облысы ПД бастығының бірінші орынбасары Жасқайрат Қайыров.
Патрульдік полиция батальонының жас қызметкерлері ардагерлерге берік негіз бен іргетас құрғаны үшін зор алғыстарын білдіріп, олардың қылмысқа қарсы іс-қимылға қосқан баға жетпес үлесін атап өтті. Ардагерлер жас ұрпаққа қошемет көрсетіп, баршаға зор денсаулық, шыдамдылық, табандылық және қызметте сәттілік тілеп, оларға көңіл бөлгені үшін алғыс айтты.
Жалпы гарнизондық тарату дәстүрлі түрде аяқталды: полицейлер саптық түзетуді көрсете отырып, салтанатты шерумен өтті. Кейін, тәртіп сақшылары қоғамдық тәртіпті қорғауға кірісті. Мұндай іс-шараларды өткізу патриотизмге тәрбиелеудегі шаралардың бірі және жас қызметкерлерді қызметтік міндеттерін тиісінше орындауға ынталандырады.
