Павлодарда “Кибер шериф” кешенімен жылдамдық режимін бұзудың 3500-ге жуық фактісі анықталды, – деп хабарлайды Polisia.kz.
Жол қауіпсіздігін қамтамасыз етуге заманауи техникалық құралдар үлкен үлес қосуда. Мысалы, Павлодар өңірінде облыс жолдарында “Кибер-шериф” кешендері қызмет атқарады. Қазіргі уақытта осындай екі кешен жұмыс істейді, олар жол жүру ережелерін бұзатын жүргізушілерді мемлекеттік тіркеу белгілерін тани отырып, инспекторды одан әрі хабардар етеді, іздестіру базалары бойынша объектілерді автоматты түрде тексереді, оларды тіркейді және бейнеге жазады.
– “Кибер-шерифтер” “Борышкер” жедел-алдын алу іс-шарасы барысында да тиімді пайдаланылады, автокөлік ағынында айыппұл бойынша зиянды борышкерлерді анықтайды. Мәселен, Павлодар қаласында “Кибер-шериф” аппараттық кешенімен жүргізушілердің басқаруымен жол жүру ережелерін бірнеше рет бұзған автокөліктер анықталды, олар айыппұлдарды төлеуге асықпады. Бір борышкерде 25 айыппұл төленбесе, екіншісінде алты айыппұл болды. Осы кешеннің көмегімен Екібастұз қаласында да қасақана төлемеуші анықталды. Жүргізушісі 200 мың сомаға салынған айыппұлды елемеген Honda Odyssey көлігінің жүргізушісі М. Әуезов көшесінде тоқтатылды. Тексеру кезінде жүргізушіде тағы бір бұзушылық анықталды. Қала тұрғыны міндетті сақтандыру шартын жасамаған, оған қатысты ҚР ӘҚБК 230-бабы 2-бөлігі (Қазақстан Республикасының мiндеттi сақтандыру туралы заңнамасын бұзу) бойынша әкімшілік материал жасалды. Жоғарыда аталған борышкерлердің көлік құралдары айыппұл тұрағына қойылып, салынған айыппұл толық төленгеннен кейін ғана иелеріне қайтарылады, – деп хабарлады Павлодар облысы ПД Әкімшілік полиция басқармасының бастығы Борис Әлімбаев.
“Кибер-шерифтер” анықтаған құқық бұзушылықтардың басым бөлігі жылдамдық режимінен асып түскен. Бүгінгі күні 65 млн 495 мың теңге сомасына жылдамдық режимін бұзудың 3 485 фактісі анықталды. Бірақ жылдамдық режимін сақтамау апатқа әкелуі мүмкін. Полицейлер тұрғындарға жол қозғалысы ережелерін қатаң сақтауды және айыппұлдарды уақытылы төлеуді ескертеді.
