Павлодарда сотталғандар мектеп мұғалімдерін құттықтады, – деп хабарлайды Polisia.kz.
29 қыркүйек Мұғалімдер күні мен техникалық және кәсіптік білім беру күнін мерекелеу қарсаңында «ҚР ІІМ ҚАЖК № 46 мекемесі» РММ бастығы Ербол Шарипов техникалық колледж КМҚК инженерлік-педагогикалық құрамын және мекеме жанындағы жалпы білім беретін мектеп мұғалімдерін құттықтады.
Сондай-ақ, мұғалімдерді колледж студенттері мен мектеп оқушылары құттықтап, алғыс ретінде өз қолдарымен жасалған торт ұсынды.
– Құрметті ұстаздарымыз сіздерді кәсіби мерекелеріңізбен құттықтаймын. Сізге ақылды және тәртіпті оқушылар, денсаулық, қуаныш және барлық өмірлік игіліктер тілеймін. Еңбегіңіз үшін шыдамдылық пен түсіністік үшін рақмет, – деп қосты Ербол Жасқайратұлы.
