Ақпараттық медиа-портал POLISIA.KZ

Қарағанды облысында кеңседен бағалы заттар ұрлаған күдікті қамауға алынды

Қарағанды облысында кеңседен бағалы заттар ұрлаған күдікті қамауға алынды, – деп хабарлайды Polisia.kz.

Теміртау қалалық полиция басқармасына қарасты шығыс полиция бөліміне сол аумақта орналасқан ЖШС-нің бірінде қызметкерлердің жоқтығын пайдаланған белгісіз біреу кеңседен бағалы заттар ұрлап кеткені туралы хабарлама келіп түсті. Келтірілген шығын көлемі 2,5 млн теңгені құраған. Ұрлық сағат 10:00 мен 14:00 аралығында болған.

Криминалдық полиция қызметкерлерімен жүргізілген кешенді іздестіру іс-шаралары барысында осы іске қатысы бар деген күдікпен 40 жастағы Қарағанды қаласының тұрғыны ұсталды.

Ұсталған азамат мойындау көрсетпе белгілерін берді. Ол алдын-ала сол жауапкершілігі шектеулі серіктестікке клиент ретінде барып, ұрлауға келетін заттарды көрген.

Аталған дерек ҚР ҚҚК-нің 188-бабына (Ұрлық) сәйкес қылмыстық іс қозғалды.

Күдікті уақытша ұстау изоляторына қамалды. Тергеу амалдары жүргізіліп жатыр.

Сондай-ақ оқыңыздар

Жауап қалдыру