Қазақстандық полицейлер Абай күнін атап өтті, – деп хабарлайды Polisia.kz.
Бүгін бүкіл Қазақстан бойынша ресми мереке – Абай күніне арналған іс-шаралар өтуде. Тәртіп сақшылары да шетте қалмады. Ал қарбалас жұмыс кестесіне қарамастан олар кезекшілік кезінде қазақтың біртуар бабасының рухына тағзым етті. Облыстық және елордалық полицейлер Абай Құнанбаевтың әйгілі “Өлең – сөздің патшасы, сөз сарасы” өлеңін айтып берді.
