Қоғам тыныштығы мен азаматтардың қауіпсіздігін қамтамасыз ету – үлкен жауапкершілік пен кәсібилікті талап ететін қызмет. Осы жолда аянбай еңбек етіп жүргендердің бірі – Астана қаласы полиция департаменті криминалдық полиция басқармасының аға жедел уәкілі Самат Жұмағұлов, - деп хабарлайды Polisia.kz.
Астана қаласы полиция департаменті криминалдық полиция басқармасының аға жедел уәкілі Самат Жұмағұлов – қоғамдық қауіпсіздік пен құқықтық тәртіпті қамтамасыз ету жолында табанды еңбек етіп жүрген білікті мамандардың бірі. Ол қызмет барысында жоғары жауапкершілік танытып, күрделі қылмыстарды ашуға және азаматтардың қауіпсіздігін қамтамасыз етуге елеулі үлес қосып келеді.
Криминалдық полиция қызметі қырағылықты, төзімділікті және жедел шешім қабылдай білуді талап етеді. Самат Жұмағұлов осы қасиеттердің барлығын бойына сіңірген кәсіби офицер ретінде әрбір тапсырманы үлкен жауапкершілікпен орындайды. Оның мол тәжірибесі мен жедел-іздестіру саласындағы жоғары біліктілігінің арқасында көптеген қылмыстар дер кезінде ашылып, құқық бұзушылар заң алдында жауапқа тартылған.
Әріптестерінің айтуынша, ол кез келген жағдайда сабыр сақтап, оқиғаның мән-жайын жан-жақты саралай білетін маман. Самат Жұмағұлов тек тәжірибелі жедел қызметкер ғана емес, әділдігімен, адамгершілігімен және кәсіби мәдениетімен ерекшеленетін тұлға.
Полиция қызметкерінің өміріндегі маңызды бағыттардың бірі – спорт. Ол бос уақытын тиімді пайдаланып, дене шынықтыруды күнделікті өмірінің ажырамас бөлігіне айналдырған. Бокспен және футболмен тұрақты айналысу арқылы төзімділігі мен ерік-жігерін шыңдап келеді. Оның пікірінше, спорт адамды тәртіпке баулып қана қоймай, кез келген сынаққа дайын болуға тәрбиелейді.
Сонымен қатар ол ұлттық дәстүрлерді дәріптеуге ерекше мән береді. Ат спортымен шұғылданып, шабандоз ретінде тұлпар тізгіндеп, қазақ халқының бай мәдени мұрасын насихаттап жүр. Ат үстіндегі сенімділігі мен қайсар мінезі оның қызметтегі болмысымен де үндеседі.
Самат Жұмағұлов үшін полиция қызметі – жай ғана мамандық емес, халыққа адал қызмет етудің және қоғам алдындағы жауапкершіліктің көрінісі. Ол азаматтардың тыныштығы мен қауіпсіздігі үшін күн сайын аянбай еңбек етіп, кәсібіне деген адалдықтың жарқын үлгісін көрсетіп келеді.
Батылдық пен табандылықты, кәсібилік пен адамгершілікті қатар ұстанған тәртіп сақшысы бүгінде әріптестері арасында зор құрметке ие. Оның жетістіктері мен қызметке деген адалдығы жас полицейлерге үлгі болып, құқық қорғау органдары қызметкерінің жоғары мәртебесін айқындай түсуде.
"Қылмыстың ізі суымай ашылуы үшін уақытпен санаспай еңбек ету керек. Әрбір ашылған қылмыстың артында азаматтардың қауіпсіздігі мен әділдікке деген сенімі тұр", - деген ұстанымды берік ұстанатын Самат Жұмағұлов – ел тыныштығы мен қоғамдық тәртіп жолында аянбай қызмет етіп жүрген нағыз офицер.
