Таразда үйдің қақпасына кептеліп қалған ит құтқарылды, – деп хабарлайды Polisia.kz.
24 маусым 08 сағат 52 минутта Жамбыл облысы ТЖД Өрт сөндіру және авариялық-құтқару қызметінің Күштері мен құралдарын жедел басқару орталығының «112» нөміріне облыс орталығының тұрғындарынан кептеліп қалған ит туралы хабар келіп түсті. Оқиға орнына Жедел-құтқару жасағының құтқарушылары жіберілді.
Жануар соңғы күштерден жан дауысын шығарып жатты. Құтқарушылар келіп жеткен кезде арнайы құралын қолдана отырып, жануарды тез арада босатып алды.
Осылайша, қала тұрғындарының бей-жай қарамауының және құтқарушылардың кәсібилігінің арқасында тағы бір өмір құтқарылды.
