Қызылорда облысында ауыл тұрғынынан заңсыз сақталған аңшы мылтығы тәркіленді, – деп хабарлайды Polisia.kz.
Қызылорда облысы Полиция департаментінің Қазалы аудандық полиция бөлімінің қызметкерлері рейдтік іс-шара барысында ауыл тұрғынынан тіркелмеген мылтықты тәркіледі.
11 сәуірде “Қару” жедел алдын алу іс-шарасын өткізу барысында полиция қызметкерлері Кәукей ауылының тұрғыны үйінде ІІО-да тіркеуде жоқ екі ұңғылы, 12 калибрлі аңшы мылтығын заңсыз сақтағаны анықтады.
Табылған зат Қызылорда қаласы Полиция басқармасының жедел-криминалистикалық бөліміне зерттеуге жіберілді.
Аталған дерек бойынша құқық бұзушыға Қазақстан Республикасы ӘҚБтК-нің 482-бабының 1-бөлігімен (Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) әкімшілік хаттама рәсімделіп, жинақталған құжаттар аудандық сотқа жолданды.
