Ресей Федерациясында ұрланған автокөлік Шығыс Қазақстан облысында анықталды, – деп хабарлайды Polisia.kz.
Риддер қаласында “Қауіпсіз жол” жедел–алдын алу іс-шарасын (ЖЕА) өткізу барысында 27 жастағы жүргізушінің басқаруындағы автокөлік тоқтатылды.
Тексеру барысында аталған көлік Ресей Федерациясы Челябинск облысы Магнитогорск қаласында ұрланғандар есебінде екені анықталды. Қазіргі уақытта көлік арнайы тұраққа қойылды, материалдарды Ресей Федерациясына жолдау үшін алғашқы шаралар жүргізілуде.
