Семейде шаруа қожалығының қызметкері бөтеннің 1,5 млн теңгенің малын ұрлап кетті, – деп хабарлайды Polisia.kz.
30 мамырда Семей қалалық ПБ Әуезов ПБ “102” жедел арнасына 46 жастағы шаруа қожалығының басшысынан өтініш келіп түсті. Жәбірленуші өткен жылдың маусым айының ортасында белгісіз біреулер еркін жайылымнан 36 бас ұсақ малды ұрлап кеткенін айтты. Келтірілген залал шамамен 1,5 млн теңге сомасына бағаланды.
Жедел-іздестіру шараларын жүргізу барысында криминалдық полиция қызметкерлері күдіктіні анықтап, ұстады. Мал ұрлығына көрші шаруашылықтың 54 жастағы қызметкері қатысты екені белгілі болды, ол жауап алу кезінде кінәсін мойындады.
Ұсталған адамға қатысты келу туралы міндеттеме түрінде процестік мәжбүрлеу шарасы таңдалды.
Аталған факті бойынша ҚР ҚК-нің 188-1-бабы 1-бөлігі (Мал ұрлығы) бойынша сотқа дейінгі тергеу басталды.
