ШҚО-да көлігін сатпақ болған азамат алаяққа тап болды, – деп хабарлайды Polisia.kz.
Ұлан ауданының 19 жастағы тұрғыны Өскемен қаласы ПБ Үлбі кезекші бөліміне хабарласып, алаяқтық фактісі туралы хабарлаған. Жәбірленушінің айтуынша, белгісіз ер адам Тихая көшесінде жүргенде сатып алу сылтауымен оның ВАЗ-2114 автокөлігін алдап иемденіп, осылайша 2 млн теңге көлемінде залал келтірген.
Жедел-іздестіру іс-шараларын жүргізу кезінде криминалдық полиция қызметкерлері жауап алу барысында мойындау көрсетпесін берген облыс орталығының 24 жастағы тұрғынын анықтап, ұстады.
Аталған дерекке қатысты ҚР ҚК-нің 190-бабы 1-бөлігі (Алаяқтық) бойынша сотқа дейінгі тергеу жүргізіліп жатыр.
