ШҚО полицейлері үстел теннисінен облыстық турнир өткізді, – деп хабарлайды Polisia.kz.
ШҚО-да құқық қорғау және арнайы органдардың қызметкерлері үстел теннисінің үздігі атағы үшін сайысқа түсті. Ұйымдастырушылар турнирді Ұлы Отан соғысының ардагері Құрмат Рахимов 100 жылдығына, сондай-ақ “Отан қорғаушылар күні” мен “Жеңіс күніне” арнады.
Облыс орталығының теннис орталығында 30 қатысушыдан тұратын 10 команда жеке және командалық жарыстарда біріншілігін дәлелдеді. Үстел теннисінен ерлер мен қатар әйел қызметкерлер де өз шеберліктерін көрсетті. Жарысты ШҚО полиция департаментінің бастығы Ерлан Омарбеков ашты.
– Мен барлық қатысушыларды қарсы алғаныма қуаныштымын. Үстел теннисі – танымал, қызықты және әсерлі спорт түрі. Бұл ойын ойын-сауықтан күрделі атлетикалық жарысқа айналды, онда тенис добын дәлдеп бере білу спорттық жарыс кезінде туындайтын қиындықтарды жеңу үшін қабілеттеріңізді шыңдауға үйретеді. Барлық қатысушыларға әділ, әрі лайықты жеңіс тілеймін, – деді облыстың бас полицейі.
Жарыс жоғары ұйымдастырушылық деңгейде және мықты эмоционалдық күйде өтті. Турнирде спортшылар қызықты ойын мен жақсы физикалық дайындықтарын көрсетті.
– Біздің команда ракетканы лақтыру шеберліктерін шыңдап, жарысқа барынша дайындалды бірақ, ең бастысы жарыста жақсы өнер көрсетуімізге тәртіп пен командалық рух көмектесті!, – деп бөлісті полиция командасының мүшесі Сиддикова Дильноза.
Командалық есепте Шығыс Қазақстан облысының ТЖД командасы жеңіске жетті. ШҚО ПД командасы күміс жүлдегер атанды. Қола медаль Шығыс Қазақстан облысы бойынша мемлекеттік кірістер департаментінің қызметкерлеріне бұйырды.
Ерлер арасында жеке есепте Шығыс Қазақстан облысы төтенше жағдайлар департаментінің қызметкері Қайдаров Елнар үздік деп танылды, Шығыс Қазақстан облысы бойынша мемлекеттік кірістер департаментінің қызметкері Рамазанов Мирхат екінші орынды, облыстық прокуратураның қызметкері Мұзтауов Жандос үшінші орынды иеленді.
Әйелдер арасында ШҚО бойынша мемлекеттік кірістер департаментінің қызметкері Дүйсембекова Дана – алтын, ШҚО полиция департаменті командасының мүшесі Сиддикова Дильноза – күміс, ШҚО бойынша экономикалық тергеу департаментінің қызметкері Айтолқын Тұрарова қола медаль иегері атанды.
Чемпионат қорытындысы бойынша жеңімпаздар мен жүлдегерлерге грамоталар мен сыйлықтар табыс етілді.
