Шығыс Қазақстанда ҚАЖ қызметкерлері садақ атудан жарыс өткізді, - деп хабарлайды Polisia.kz.
ОВ-156/20 мекеме қызметкерлері арасында “Бабаларымыздың ерлігі - ұрпақ үшін өнеге” атты садақ атудан сайыс өтті. Бұл сайыстың мақсаты - жас қызметкерлерге ата-баба ерлігін насихаттау.
- Өскелең ұрпақтың нағыз ел жанашары болуы үшін тарихымызды ұмыттырмауды, қастерлеуді негізі мақсат етеміз. Елі үшін ерлік еткен ата-бабаларымыздың ерліктерін үлгі етіп, жас қызметкерлерге үйрету - үлкен абырой, - деді мекеме бастығының тәрбие жөніндегі орынбасары Болат Майзаков.
Сайыс өте тартысты өтті. Алдағы уақытта бұл бағыттағы жұмыс жалғасатын болады.
