СҚО полицейлері полиатлоннан чемпионатта жүлделі орындарға ие болды, – деп хабарлайды Polisia.kz.
Солтүстік Қазақстан полицейлерінің спорттық жетістіктерінің қоржынына облыстық полиция департаменті аппаратының қызметкерлері Ілияс Жұманов пен Татьяна Долбышева кезекті рет үлестерін қосты. Олар 6-10 наурыз аралығында Өскемен қаласында өткен полиатлоннан ҚР чемпионатына қатысты.
Бұл спорт жарыс бағдарламаларының кең өзгергіштігімен ерекшеленеді: қоссайыстан алтыбұрышқа дейін. Чемпионатқа қатысушылар қысқа және орта қашықтыққа жүгіру, жүзуден спринт, мылтық атудан бақ сынасты.
– Қарапайымдылығына қарамастан, полиатлон жақсы физикалық дайындық пен ұтқырлықты қажет етеді, өйткені әр түр өзінің техниканы, өзіндік көзқарасты қажет етеді, – дейді қыздар арасында үшінші орынға ие болған Татьяна Долбышева.
Татьяна Долбышеваның әріптесі Ілияс Жұманов ерлер арасындағы чемпионатта күміс жүлдені қанжығаға байлады. Погон таққан екі спортшы да халықаралық дәрежедегі спорт шеберлері, олар 24-34 жас аралығындағы топта өнер көрсетті. Жарысқа Қазақстанның түкпір-түкпірінен барлығы 170-тен астам спортшы қатысты.
