Алматы қаласы, Алматы және Жетісу облыстары бойынша ҚАЖД №71 тергеу изоляторына қамауға алынғандардың сәлемдемесін тексеру кезінде, тергеудегі әйел адамға арналған тағамдардың ішінен тыйым салынған зат табылды, – деп хабарлайды Polisia.kz.
Үйде дайындалған қарақұмық салынған пластикалық ыдыс ішінен көк түсті Realme телефоны тәркіленді.
– Аталған факті бойынша ҚР ӘҚБтК-нің 481-бабы бойынша материал жасалып, ер адамға қатысты шешім қабылдау үшін сотқа жолданды, – деп атап өтті мекеме бастығы Арнай Әбдірахманов.
