Тұрақ ережесін бұзған Павлодар тұрғыны айыппұл арқалады, – деп хабарлайды Polisia.kz.
13 қазан күні сағат 07.30-да “102” мобильді қосымшасының бейнебайланысы арқылы полицияға Павлодар қаласының тұрғыны жүгінді, ол Қайырбаев көшесіндегі екі үйдің арасындағы жүріс бөлігінде сұр түсті Toyota көлігі тұрғанын хабарлады. Ер адам осы көліктің кесірінен үйдің тұрғындары тұрақтан шыға алмай, жұмысқа кешігіп бара жатқанын айтты. Сондай-ақ қоңырау шалушы аталған көлікке телефон бейнекамерасын жіберді, осылайша полиция операторына болып жатқан жағдайды көрсетті.
Полиция қызметкерлері аталған жерге келді. Олар автокөлік иесін анықтап, ережелерді сақтау және жол қозғалысының барлық қатысушылары мен өз ауласының тұрғындарына құрметпен қарау туралы профилактикалық әңгіме жүргізді. Сондай-ақ ҚР ӘҚБК 597-бабы бойынша оған қатысты әкімшілік хаттама толтырылды.
Енді 5 АЕК мөлшерінде айыппұл төлеуге тура келеді. Toyota көлігінің иесі ерте шығып, көлікті жолдан шығармақ болғанын, бірақ ұйықтап қалғанын айтты.
Сонымен қатар, полиция ағымдағы жылы 1176 жүргізуші тұрақ ережелерін бұзғаны үшін әкімшілік жауапкершілікке тартылғанын атап өтті.
