Түркістан облысында еден жуушы оқушының телефонын қолды қылған, – деп хабарлайды Polisia.kz.
Отырар аудандық полиция бөлімінің қызметкерлері жедел-іздестіру жұмыстары барысында ұрлық қылмысына қатысы бар деген күдікпен 43 жастағы жергілікті тұрғынды анықтады.
Белгілі болғандай, ұрлық қылмысына барған күдікті әйел мектепте еден жуушы болып жұмыс жасаған. Оқиға болған күні ол спорт залдағы қыздардың киім ауыстыру бөлмесін тазалау жұмыстарын жүргізу кезінде сөреде тұрған Oppo A53 телефонын жымқырып кеткен.
Ұрлап алған телефонын әйел сатып жіберген. Тәртіп сақшылары күдіктінің сатып жіберген телефонын тауып, заңды иесіне табыстады.
Қазіргі таңда күдікті әйелдің бұдан басқа да қылмысқа қатысы бар-жоғы тексеріліп, тергеу амалдары жүргізіліп жатыр.
