Жедел жағдайды жақсарту, тиісті қоғамдық тәртіпті сақтау, көшелерде және басқа да қоғамдық орындарда қылмыстардың алдын алу, сонымен қатар, жолын кесу мақсатында ағымдағы жылғы 25-27 тамыз аралығында Ақтөбе облысының аумағында «Құқықтық тәртіп» республикалық жедел-алдын алу іс-шарасы өтті, – деп хабарлайды Polisia.kz.
Шара өткізу барысында полицейлер 2,5 мыңнан астам әкімшілік құқық бұзушылықты анықтады. Оның ішінде:
«Нөлдік төзімділік» тәртібінде 1517 әкімшілік құқық бұзушылық тіркелді, оның ішінде отбасылық-тұрмыстық қатынастар саласындағы құқыққа қарсы әрекеттері үшін – 107, ұсақ бұзақылық – 322, спирттік ішімдіктер ішу немесе қоғамдық орындарға мас күйінде келгені үшін – 396, уақытша бейімдеу орталығына – 80 адам орналастырылды, қабылдау–тарату орнына – 16 адам қамалды.
Жол қозғалысы ережелерін бұзудың 1054 фактісі анықталды. Оның ішінде мас күйінде автокөлікті басқарудың – 23, оның ішінде есірткілік масаң күйде – екі фактісі, белгіленген қозғалыс жылдамдығын арттырудың – 291, қарсы жолаққа шығу – 24, қауіпсіздік белдіктері тағылмаған – 311, жаяу жүргіншілерге жол жүруде артықшылық бермеу – 118, жаяу жүргіншілердің қозғалыс ережелерін бұзу – 287 фактісі анықталды.
