Ішкі істер министрі Марат Ахметжановтың тапсырмасы бойынша ағымдағы жылдың 1 тамызынан бастап Тергеу департаментінің әскери-тергеу құрылымдары әскерилер арасындағы қайғылы жағдайлардың алдын алу бойынша психологтарды қатыстыра отырып, профилактикалық жұмыстар жүргізуде, – деп хабарлайды Polisia.kz.
Бұл шаралар қазіргі таңда еліміздің барлық өңіріндегі жүзден астам әскери бөлімшелерді қамтыды. Атқарылып отырған шаралардың оң нәтиже беріп жатқанын әскери командирлер мен жас сарбаздар да атап өтуде. Алдағы уақытта бұл жұмыс жалғасын таппақ.
