Жыл басынан бері Самара-Шымкент автожолында 22 ЖКО тіркелді, – деп хабарлайды Polisia.kz.
11 сәуірден бастап “COVID-2019” пандемиясының белсенді таралуы кезеңінде 2020 жылы салынған Қазақстан мен көрші елдер арасындағы шекараны кесіп өтуге шектеулер алынып тасталды.
Бұрын өткізу режимі тек жүк тасымалымен шектелетін. Енді жүк ағынына жеңіл автокөліктер қосылды, екі жыл ішінде туыстарына бара алмаған адамдар екі жағынан да белсенді жүре бастады. Ақтөбе облысы арқылы қозғалыс қарқындылығы артты. Осыған байланысты Ақтөбе облысының Полиция департаменті жол-көлік оқиғасының санының артуына алаңдаулы.
Сондықтан полицейлер Жайсан шекара бекетінде профилактикалық акция өткізеді, жүргізушілерге абай болуды, жол қозғалысы ережелерін қатаң сақтауды ескертеді, авариялық қауіпті учаскелер мен демалыс орындары туралы айтады.
– Бірінші тоқсанда республикалық маңызы бар Самара – Шымкент автожолында 22 ЖКО тіркелді, онда бес адам қаза тауып, 41 адам зардап шекті. Бүгінгі күні ЖКО-ның негізгі себептері – басып озу кезінде маневр ережесін бұзу, қарама-қарсы қозғалыс жолағына шығу, жылдамдық режимін шамадан тыс арттыру, – деді Жергілікті полиция қызметі басқармасы бастығының орынбасары Айдос Құлжанов.
