Павлодар облысының полициясында азаматтарды қабылдау күні өтті, – деп хабарлайды Polisia.kz.
Азаматтарды қабылдауды қалалық басқармалар мен аудандық полиция бөлімдерінің басшылары жүргізді. Полицияға 50 азамат сұрақтарымен, сондай-ақ мәселелерімен жүгінді. Негізінен аймақ тұрғындарын қылмыстық істерді тергеу, жұмысқа орналасу және әкімшілік материалдарды қарау мәселелері қызықтырды. Барлық өтініштер бойынша нақты шешімдер қабылданды, қарау мерзімі белгіленді, орындаушылар анықталды.
Мысалы, Екібастұз ПБ бастығына бұрын Тараз қаласында тұрған жергілікті тұрғын 2017 жылы оған қатысты жасалған құқық бұзушылық жөнінде жүгінді. Әйел оның өтініші бойынша қабылданған шешім туралы білуді сұрады. Өтініш бірден қаралды, әріптестерден телефон арқылы хабарласып, қабылданған шаралар туралы ақпарат жинап, бірден өтініш берушіге хабарлады. Әйел жауапқа риза болды. Сондай-ақ көршілер арасындағы азаматтық-құқықтық қатынастар, олардың арасындағы дауларды белгілеу және қарау бойынша консультациялар берілді.
Ертіс ауданы полиция бөлімінің бастығы Қуат Түсіпбеков ІІО қызметіне орналасқысы келген ауыл тұрғынын қабылдады. Оған қызметке тұру үшін қандай құжаттар қажет екендігі түсіндірілді. Бұл күні тағы үш павлодарлық полиция қызметкерлерінен көмек ала алды. Олар қылмыстық істерді тергеу мәселелері бойынша полицейлерге жүгінді. Әрбір өтініш жеке бақылауға алынды, сондай-ақ құзыретті қызметтердің басшыларына қысқа мерзімде барлық проблемалық мәселелерді егжей-тегжейлі анықтау тапсырылды.
– «Халық үніне құлақ асатын мемлекет» тұжырымдамасын іске асыру, халықпен кері байланыс орнату – біз үшін маңызды міндеттердің бірі. Облыс тұрғындарының әрбір өтініштері мен мәселелерін жедел шешу үшін тиісті шаралар қабылданады. Мұндай кездесулер өзара пайдалы: олар адамдардан объективті ақпарат алып қана қоймай, өтініш берушілерге тікелей көмек көрсетуге мүмкіндік береді, – дейді полиция қызметкерлері.
