Талдықорғанның мектеп түлектері ІІМ оқу орындары жайлы ақпарат алды, – деп хабарлайды Polisia.kz.
Дұрыс мамандықты таңдау, өмірде өз орнын табу, жастар үшін көп еңбекті талап ететін жауапты міндет. Асығыстық пен шамадан тыс тәкаппарлық таңдаудың жоспарларын бұзуы мүмкін. Мұнда жастардың дұрыс бағдар алуы өте маңызды. ҚР ІІМ-нің Малкеджар Бөкенбаев атындағы Ақтөбе заң институтына түсу шарттары мен оқу орнын таңдаудың маңыздылығы туралы Талдықорғанның жалпы білім беретін мектептерінің түлектеріне айтылды.
ІІМ-нің оқу орнын институт басшысының көмекшісі Махамбет Алғожаев, курс бастығы Мұрат Ешманов және аға оқытушы Алмат Сәлімов, сондай-ақ Талдықорған қалалық полициясының кадр қызметкерлері таныстырды. Студенттер курсанттардың күнделікті өмірі, қызметтің артықшылықтары және түлектердің болашағы туралы білді.
Іс-шара соңында оқушыларға ҚР ІІМ жүйесінің жоғары оқу орындарына түскісі келетіндер үшін байланыс деректері бар ақпараттық кітапшалар таратылды.
– Біздің сапарымыздың мақсаты – жалпы білім беретін мектептердің оқушылары арасында кәсіптік бағдар беру жұмыстарын жүргізу. Барлық талапкерлерді біздің институтқа түсуге шақырамыз. Оқыту республикалық бюджет есебінен жүзеге асырылады, оқу мерзімі — 4 жыл. Оқыту тегін, курсанттарға стипендия, толық қамтамасыз ету тағайындалып, оқу аяқталғаннан кейін полиция лейтенанты атағы беріледі. Сонымен қатар, ішкі істер органдарында жұмысқа орналасуға кепілдік беріледі. Оқу уақыты қызмет өтіліне кіреді, – деп атап өтті Махамбет Алғожаев.
Сонымен қатар бейіндік пәндер шығармашылық емтихандардан, қазақ, орыс тілдерінен және әдебиеттен басқа кез келген пән болуы мүмкін екендігі атап өтілді. Кәсіби пәндерді алмастыруға мүмкіндік бар. ҚР ІІМ Ақтөбе заң институты құқық қорғау, әкімшілік-құқықтық және жедел-іздестіру қызметі мамандықтары бойынша оқытуды жүзеге асырады.
