Атырау облысы Полиция департаменті бастығы Қамза Үмбетқалиев 24 желтоқсан күні Нұр-Сұлтан қаласында Қазақстан Республикасының ІІМ-нің бастамасымен өткен үздік учаскелік полиция инспекторларының байқауында топ жарған қызметкерлерді марапаттады, – деп хабарлайды Polisia.kz.
Атап айтқанда, “Қалалық жердегі кәмелетке толмағандардың істері жөніндегі полицияның үздік учаскелік инспекторы” номинациясында жеңімпаз атанған Атырау қаласы ПБ кәмелетке толмағандардың істері жөніндегі учаскелік инспекторы Анаргүл Карлагашева және «Ауылдық жерлердегі үздік учаскелік полиция инспекторы мен кәмелетке толмағандар ісі жөніндегі учаскелік полиция инспекторы» номинациясы бойынша Атырау облысы ПД Махамбет аудандық Полиция бөлімінің ювеналды полиция инспекторы Нуркуат Ураковты алғыс хатпен марапаттады. Ал «Үздік учаскелік полиция инспекторы» атағына ие болған Атырау қаласы Полиция басқармасының жергілікті полиция қызметі бөлімінің учаскелік полиция инспекторы Ануар Құспанов пен Индер аудандық Полиция бөлімі жергілікті полиция бөлімшесінің учаскелік полиция инспекторы Ғалымжан Жумағалиев ІІ дәрежелі «Ішкі істер органдарының үздігі» төсбелгісіне ие болды.
«Учаскелік полиция инспекторларының жұмысы ішкі істер органдары жүйесіндегі ең көпфункционалды қызмет болып табылады және халықпен тікелей байланыста. “Жұртқа жақын полиция” қағидатын іске асыруда маңызды рөл атқаратын да учаскелік полиция инспекторлары», – деп атап өтті Полиция департаментінің бастығы Қамза Үмбетқалиев.
