Степногорск қаласының тұрғыны танысына сеніп, қомақты ақшасынан айырылды, – деп хабарлайды Polisia.kz.
27 қаңтарда Степногорск қаласы Полиция басқармасының кезекші бөліміне 39 жастағы жергілікті тұрғын 2022 жылғы 16 қаңтарда белгісіз тұлға 875 мың теңге сомасында ақша қаражатын иемденгені туралы өтінішпен жүгінді.
Степногорск қаласының тұрғыны депозитті толықтыру үшін банкке келген кезде ғана ірі ақша сомасының жоғалғанын анықтады. Әйел банк қызметкерлерінен оның шотында ақша жоқ екенін білгенде, ол полицияға жүгінді.
Жедел-іздестіру іс-шаралары барысында күдіктінің жеке басы анықталды. Өтініш берушінің 37 жастағы танысы бұл әрекетін мойындады. Жәбірленушіні өзіне арналған ақша оның шотына аударылғанына сендіріп, оны қолма-қол ақшаға айналдыруды өтінді. Шындығында ол мобильді қосымшаны пайдаланып, телефон иесінің шоттары арасында ақша аударды. Сенгіш әйел ақшаны алып, оны досына депозитін тексерместен берді.
Аталған факті бойынша ҚР ҚК 190-бабы 2-бөлігі 4-тармағы (Алаяқтық) бойынша сотқа дейінгі тергеу басталды.
