СҚО бойынша ҚАЖД-да 100-ден астам сотталған диплом алды, – деп хабарлайды Polisia.kz.
СҚО бойынша ҚАЖД қарасты ЕС-164/6 мекемесінің базасында (әйелдер колониясы) «Петропавл кәсіптік колледжі» КММ, Солтүстік Қазақстан жеке даярлау және сервис колледжі өз қызметін жүзеге асырады.
СҚО бойынша ҚАЖД ЕС-164/3,6 мекемелерінде сотталғандарды тас қалаушы, қаптаушы, сылақшы-сырлаушы, дәнекерлеуші, тігінші, құрылыс және әрлеу жұмыстарының шеберлері, шаштараз-модельер, ландшафтық дизайнер және т. б. сияқты сұранысқа ие мамандықтар бойынша оқытады. Бүгінгі таңда 100-ден астам сотталған орта-арнайы білімді бітіргені туралы мемлекеттік үлгідегі диплом алды.
Сотталғандар оқу процесіне мемлекет бөлетін барлық қажетті материалдық базамен жарақтандырылған. Сотталғандар диплом алғаннан кейін мекемеде жұмысқа орналасады.
Әйелдер колониясында «Тігінші» мамандығы бойынша білім алған сотталған Наталья босатылғаннан кейін Петропавл қаласының орталығында тігін цехын ашты, онда бұрын жазасын өтеген 10-нан астам әйелді жұмысқа орналастырды.
Бұл күні 57 жастағы Марияға арнайы орта білім туралы диплом берілді. Айтпақшы, ол биылғы жылы «жасы ең үлкен» түлек атанды.
– Өткен жылы мен ұрлық үшін 3,5 жылға сотталдым. Бостандықта жүргенде әрқашан білімді қажет етпейтін жұмыстарда жұмыс істедім. Сондықтан мен тіпті білім алу туралы ойланбадым. Мұнда келіп, оқуға, білім алуға уақыт келді деп шештім. Тігінші мамандығы бойынша білім алдым, енді өз мамандығым бойынша жұмыс істей аламын. Білім алу – ешқашан кеш емес, – деді сотталған Мария.
Осы жылы әйелдер колониясында – 57 түлек диплом алса, ерлер колониясында – 64 адам мамандық алды. Соңғы 5 жылда Петропавл кәсіптік колледжін 650-ден астам сотталған ерлер мен әйелдер бітірді.
